15 نصيحة للحصول على حياة دراسية أفضل

15 نصيحة للحصول على حياة دراسية أفضل

الجامعه لوحدها مش هتوصلك للحاجة للي بتحلم بيها

سبب الحيره والتوهان واللغبطه اللى انت فيها نقص معلومات عشان كده لازم تقرأ كتير وتسأل عن الحاجه اللى عايز توصلها الأول

خلونا نبدأ النصائح

1- أول حاجه هتأهلك انك تكون خليفه الله ع الأرض هو العلم، ففكره انك تتعلم وتنور حياتك بالعلم دى حاجه أساسيه في حياتك عشان تعرف تعيش.

2- حياتك العملية ابتدت بعد المرحله الثانويه

3- المرحله الجامعيه من أجمل فترات حياتك لو متدايق فيها ودمك محروق يبقى انت مش عايشها أصلا، وهتعرف ده بعد ما تتخرج

4- كل ما كنت شاطر ومميز وانت طالب هتوصل لفرص مميزه، ولما تتخرج كمان

5- لو ماجربتش الأنشطه التطوعيه يبقى فايتك كتير أوى لأنها بتعلمك حاجات كتير وبتكتسب خبرة كويسة

6- لو لسه ماتعرفش حاجه عن رياده الأعمال، التسويق، لينكدان وحاجات تانى كتير... يبقى فايتك كتير برضه

7- لو بتفكر تقضى سنين جامعتك دراسه بس وبعد التخرج تاخدلك أى شويه كورسات وفاكر انك كده تمام، يبقى ولع في الفكره دى بجاز.

8- اجتهد من بدرى انك تعرف المجال الأنسب بالنسبه ليك وشغفك وده مش هييجى من فراغ

انزل اتطوع واقرأ عن كذا مجال وجربهم عشان توصل للمجال اللى انت هتبدع فيه

9- دور على الحاجه اللى بتحبها وبتعرف تعملها وبتمنى نفسك فيها ولما بتعملها بتخليك سعيد ومستعد تعملها من غير مقابل

10 القراءه هتفرق معاك جدا اقرأ فى مجالك كتير وفى مجالات تانيه غير مجالك

11- اسأل على الموديلز في جامعتك واتطوع معاهم ولو مفيش في جامعتك، اتطوع في جامعه تانيه، وفيه 3 حاجات أساسيه ممكن تجيلك من الأنشطه دى هتكتسب مهارات جديده هتدخل تجارب وتضيف عندك خبرات جديده وتعمل شبكه علاقات قويه حسب قوه كل نشاط واللى هيقدر يوصلوا للمتطوعين.

12 التطوع قيمه جميله وتهذيب واصلاح مش موضه، لو قلبت معاك موضه يبقى راجع نفسك.

13- في نفس الوقت اللى انت بتقول فيه انك معندكش واسطه عشان تشتغل.. فيه غيرك بيوصل لفرص مميزه جدا من غير واسطه.

14- واسطتك هى شطارتك، ذاكر أكتر في مجالك واقرأ عنه وادرس فيه كورسات أونلاين وأوفلاين وانزل طبقه عملى سواء بتدريب أو تطوع

15- لو انت شاب وعندك القدره على السفر أرجوك سافر حتى محافظه غير محافظتك عشان تتعلم، احضر مثلا مؤتمر أو ندوه أو كورس .. السفر لوحده هيعلمك كتييييييير.

"تعلم فليس المرء يولد عالما"


تعليقات

  • {{x.name}}

    {{x.body}}

  • +